15 сакавіка на базе ДУК «Палац мастацтваў г. Бабруйска» адбыўся заключны конкурсны этап абласнога агляду-конкурсу аматарскіх тэатральных калектываў «У далонях маёй Беларусі»
Тэатральны калектыў «Надзея» раённага Дома культуры ДУК «Цэнтралізаваная клубная сістэма Клічаўскага раёна» адкрываў тэатральны дзень спектаклем па п’есе А. Дударава «Апошні ўзлёт».
У пастаноўцы народнага тэатра «Надзея» раённага Цэнтра культуры і вольнага часу ДУК «Цэнтралізаваная клубная сістэма Асіповіцкага раёна» на сцэне Палаца мастацтваў быў прадстаўлены ўрывак з п’есы драматурга А. Карэліна «Герда, альбо Горад, у якім мы будзем шчаслівыя».
Сапраўдную філасофію жыцця беларускай вёскі ў сваіх пастаноўках адлюстравалі народны тэатральны калектыў «Родник» раённага Цэнтра культуры ДУК «Цэнтралізаваная клубная сістэма Быхаўскага раёна» і народны тэатр «Прамень» раённага Цэнтра культуры ДУК «Цэнтралізаваная клубная сістэма Хоцімскага раёна».
Калектыў з Быхава выканаў спектакль па п’есе «Свае», акцёры з Хоцімска - спектакль «Сюрпрыз, або новая казка Дамавіка» па творах вядомага на Хоцімшчыне драматурга, журналіста А.Александрына.
Тэатральны калектыў «Азарт» раённага Дома культуры ДУК «Цэнтралізаваная клубная сістэма Глускага раёна» ў Бабруйск прывёз яскравы дзіцячы спектакль «Як Лыска ваўком быў».
Завяршалі конкурсны прагляд урыўкам са спектакля «Пакліч мяне ў неба» (аўтар І.Петраш) гаспадары - узорны музычны тэатр «Слуги трёх муз», ДУК «Палац мастацтваў г. Бабруйска».
9 красавіка ў канцэртнай зале «Магілёў» адбудзецца цырымонія ўзнагароджання пераможцаў абласнога агляду-конкурсу і тэатральны марафон лепшых аматарскіх тэатральных калектываў Магілёўскай вобласці.
А.М. Глуздоў, начальнік аддзела традыцыйнага мастацтва і культурна-дасугавай дзейнасці.
