Напярэдадні Дня Незалежнасці Рэспублікі Беларусь у раённым Цэнтры культуры г.п. Краснаполле адбыўся канцэрт народнага клуба ветэранаў «Дабрыня»
У праграме прагучалі песні ў выкананні ансамбля “Праліца”, салістаў: Н. Цыс, Л. Бяляцкай, М. Коцелева, Л. Вараб’ёвай. Г. Слабодчыкавай. У выкананні А. Андрыянава, А. Васіленка, Н. Патапенка гучалі вясёлыя прыпеўкі, танцавальная група выканала вянок народных танцаў.
Калектыў ветэранаў не толькі ўпрыгожвае сваімі выступленнямі раённыя мерапрыемствы, але і прымае ўдзел у фестывалях, конкурсах і творчых мерапрыемствах за межамі раёна.
Варта адзначыць, што ў дружны творчы калектыў уваходзяць людзі розных прафесій, узростаў, характараў, але ўсіх іх аб’ядноўвае бязмежная любоў да песні, а самае галоўнае – імкненне захаваць і развіваць культурную спадчыну роднага краю.
Канцэртная праграма стала сапраўдным падарункам для знаўцаў народнай творчасці. Бо песня – гэта душа народа.
С.А. Сазонава, метадыст РЦК ДУК “Цэнтралізаваная клубная сістэма Краснапольскага раёна”
