Народны ансамбль народнай музыкі і песні “Бліскавіца” прыняў удзел у міжнародным фестывале народнай песні і музыкі “Бараньскія музыкі”
“Музыка – гэта міжнародная мова зносін усіх культурных людзей, а музыкі – гэта першыя пасланцы свету. Яны звязваюць народны разуменнем, павагай, сяброўствам і любоўю. А музыка, не маючы патрэбы ў перакладзе, зразумелая ўсім народам, нягледзячы на нацыянальныя і культурныя адрозненні…” – менавіта з такіх слоў распачалася ўрастая цырымонія адкрыцця Міжнароднага фестываля народнай песні і музыкі “Бараньскія музыкі”.
На гасціннай Аршанскай зямлі фестываль праходзіць ужо ў дваццаць пяты раз, у гэтым годзе мерапрыемства набыло статус міжнароднага і праходзіла на базе гарадскога Палаца культуры “Орша”.
Асноўнымі мэтамі фестываля лічацца развіццё і папулярызацыя народнай творчасці, падтрымка аматарскіх калектываў і майстроў народных рамёстваў, павышэнне іх мастацкага ўзроўня, пашырэнне і ўзбагачэнне рэпертуара лепшымі ўзорамі народнай музыкі і песен, шырокага далучэння насельніцтва да нацыянальных музычных традыцый.
Не выпадкова тое, што юбілейная дата феставаля выпала на Год народнага Адзінства: свята стала пляцоўкай абмена вопытам паміж каллектывамі мастацкай творчасці з розных абласцей і гарадоў, ў рамках канцэртаў і конкурсных выступаў. Гледачы мелі магчымасць пабачыць і адчуць своеасаблівасць кожнага каллектыву, а таксама, як яны яднаюцца падчас свята прыгожай народнай песні і музыкі.
У фестывалі прыняў удзел народны ансамбль народнай песні і музыкі “Бліскавіца” раённага Дома культуры ДУК “Цэнтралізаваная клубная сістэма Шклоўскага раёна”. На адкрыцці фестываля ў выкананні каллектыва гучалі песні “Сапраўдны беларус” (аўтары песні: Ю. Быкава, Я. Алейнік), а таксама “Эх пой, дзеўка, стой” (Муз. – С. Кандрацьеў, сл. – Л. Анціпава). Для конкурсных выступаў артысты абралі песню з рэпертуара ансамбля “Бяседа” “А ў Марусі хата на памосце” (беларуская народная песня ў апарацоўцы Л. Захлеўнага) і песню, напісаную таленавітымі землякамі калектыва, “Шклаўчаначка” (Музыка – заслужаны дзеяч культуры БССР Віталь Аляксеевіч Бабчанка, словы – Леанід Міхайлавіч Анціпенка).
Звонка гучала народная песня ў выканнані маладых салістаў народнага ансамбля народнай песні і музыкі “Бліскавіца”. У намінацыі “Аматарскія калектывы мастацкай творчасці” народнаму ансамблю было прысуджана III месца.
Н.Н.Ганчарова, загадчык метадычным аддзелам ДУК “Централізаваная клубная сістэма Шклоўскага раёна”
Фота С.Л.Буевіч, метадыст па рабоце з дзецьмі і падлеткамі ДУК “Централізаваная клубная сістэма Шклоўскага раёна”
