Народны ансамбль народнай песні “Вязанка” Асіповіцкага раёна ўзяў удзел у ХХІХ Міжнародным фестывалі песні і музыкі “Дняпроўскія галасы ў Дуброўне”
24-25 чэрвеня 2023 года ў горадзе Дуброўна Віцебскай вобласці прайшоў ХХІХ Міжнародны фестываль песні і музыкі “Дняпроўскія галасы ў Дуброўне”, асноўнай ідэяй якога з’яўляецца яднанне славянскіх народаў, сяброўства суседніх краін, захаванне самабытнай нацыянальнай культуры.
За 28 гадоў гасцямі і ўдзельнікамі фестывалю сталі калектывы з 16 краін свету. Магілёўскую вобласць прадставіў народны ансамбль народнай песні “Вязанка” Вяззеўскага сельскага Дома культуры Асіповіцкага раёна.
Калектыў узнагароджаны дыпломам лаўрэата за высокае выканальніцкае майстэрства, а салістка калектыву – Алена Кавалевіч узнагароджаны дыпломам II ступені за высокае выканальніцкае майстэрства ў адкрытым рэгіянальным конкурсе выканаўцаў народных песень “Галасісты Салавей”.
Ірына Забаўская узнагароджана дыпломам I ступені за перамогу ў конкурсе лялек “Дубравушка”.
