Прэзентацыяй выставы “Нематэрыяльная спадчына Магілёўскага Падняпроўя” адкрыўся абласны семінар-практыкум “Актуальныя пытанні аховы гісторыка-культурнай спадчыны”
Семінар-практыкум праводзіцца на базе ўстановы культуры “Жыліцкі гістарычны комплекс-музей”, у якім прымаюць удзел больш за 70 удзельнікаў – кіраўнікі структурных падраздзяленняў гаррайвыканкамаў, якія ажыццяўляюць дзяржаўна-ўладныя паўнамоцтвы ў сферы культуры, дырэктара клубных устаноў, музеяў.
У рамках семінара-практыкума адбылася творчая прэзентацыя ўзорнага фальклорнага ансамбля “Купалачка” дзяржаўнай установы адукацыі “Дзіцячая школа мастацтваў г. Клічава”. Удзельнікам таксама пакажуць дакументальны фільм рэжысёра Галіны Адамовіч “Стрела”.
Далей па праграме запланаваны выступленні, дзе будуць разгледжаны актуальныя пытанні па ахове гісторыка-культурнай спадчыны. Адкрыюць семінар-практыкум Жыгун Аляксандр Мікалаевіч, начальнік упраўлення культуры Магілёўскага аблвыканкама і Хмялькоў Алег Фёдаравіч, дырэктар установы культуры “Магілёўскі абласны метадычны цэнтр народнай творчасці і культурна-асветнай работы”, старшыня Рэспубліканскага Савета па пытаннях клубнай дзейнасці і народнай творчасці пры Міністэрстве культуры Рэспублікі Беларусь.
Крысціна Башарымава, вядучы рэдактар УК “Магілёскій абласны метадычны цэнтр НТ і КАР”
