Урачысты сход па падвядзенню вынікаў сацыяльна-эканамічнага развіцця адбыўся ў Краснапольскім раёне
3 сакавіка раённы Цэнтр культуры г.п.Краснаполле сабраў пераможцаў народнай гаспадаркі Краснапольскага раёна, дэлегацыі раёнаў Магілёўскай вобласці, шаноўных гасцей, сярод якіх – старшыня пастаяннай камісіі Савета Рэспублікі Нацыянальнага сходу Рэспублікі Беларусь па эканоміцы, бюджэту і фінансам У.І.Панцюхоў і інш.
На пасяджэнні раённага выканаўчага камітэта былі падведзены вынікі спаборніцтва працоўных калектываў раёна за мінулы год і прынята рашэнне аб узнагароджванні пераможцаў.
Сярод узнагароджаных – установы і індывідуальныя прадстаўнікі сферы культуры.
Дыпломамі і грашовымі прэміямі з занясеннем на раённую Дошку гонару ўзнагароджаны працоўныя калектывы раённага Цэнтра культуры (дырэктар Ю.П.Падалякін) і Горскага сельскага Дома культуры (дырэктар В.І.Гомарава) ДУК “ЦКС Краснапольскага раёна”.
Спецыяльнай прэміяй раённага выканаўчага камітэта імя А.Пысіна за папулярызацыю беларускай мовы, мастацкага слова і традыцыйнай народнай культуры ўзнагароджана метадыст раённага Цэнтра культуры ДУК “ЦКС Краснапольскага раёна” В.А.Марчанка.
Граматай з прысваеннем звання “Лепшы па прафесіі” і занясеннем на раённую Дошку гонару ўзнагароджана Т.Ф.Каваленка, дырэктар ДУК “Краснапольскі раённы гісторыка-этнаграфічны музей”.
Урачыстасць і ўзнёслы настрой сходу надавала творчая праграма, падрыхтаваная салістамі і калектывамі РЦК, а ў фае былі прадстаўлены шматлікія выставы.
В.А.Марчанка, метадыст раённага Цэнтра культуры ДУК “ЦКС Краснапольскага раёна”
