VI рэгіянальныя краязнаўчыя чытанні “Мой край: вядомы, невядомы” адбудуцца на Краснапольшчыне 24 кастрычніка
Краязнаўчыя чытанні – добры сродак абуджэння цікаўнасці да краязнаўства, вывучэння сваёй спадчыны і адначасова – абмен вопытам у вобласці краязнаўства, папулярызацыя гісторыка-культурнай спадчыны свайго рэгіёна.
Арганізатары мерапрыемства, вельмі значнага для Краснапольшчыны, спадзяюцца, што рады ўдзельнікаў папоўняцца новымі аматарамі-краязнаўцамі, якія адкрыюць невядомыя ці малавядомыя старонкі гісторыі сваёй малой радзімы, прадэманструюць любоў да яе спадчыны.
Да ўдзелу запрашаюцца работнікі навучальных, клубных, бібліятэчных, музейных устаноў і асобныя аматары-краязнаўцы. Заяўкі на ўдзел ужо пачалі паступаць, якія вызначылі намінацыі: “Гістарычнае краязнаўства”, “Літаратурнае краязнаўства”, “Тапаніміка”, “Народная творчасць”, “Фальклор”.
Спяшыце і вы, паважаныя чытачы, калегі, аматары-краязнаўцы – юныя і дарослыя! Любая тэматыка краязнаўчых даследванняў, вопыт арганізацыі краязнаўчай работы будзе запатрабаваны. Разам мы зробім праграму чытанняў змястоўнай і насычанай.
Даслаць заяўку на ўдзел у краязнаўчых чытаннях можна па адрасу kulturakrasn@tut.by да 20 кастрычніка, або зрабіць гэта праз тэлефанаванне на імя арганізатара чытанняў (метадыста РЦК Марчанка Валянціна Аляксандраўна) па тэлефону 802238 71676 або (33) 6281198. У заяўцы дастаткова паведаміць прозвішча ўдзельніка, месца работы або вучобы, тэматыку выступлення.
Акрамя прэзентацыі краязнаўчых работ удзельнікаў і прысутных чакае шмат іншых краязнаўчых і творчых форм: культурныя праграмы, выстаўкі літаратуры і народнай творчасці, экскурсіі, сустрэчы з цікавымі людзьмі, наведванне помнікаў і інш.
Краязнаўчыя чытанні адбудуцца 24 кастрычніка ў Краснапольскім РЦК. Пачатак у 10.00. Запрашаем на краязнаўчыя чытанні ў якасці слухачоў усіх, зацікаўленых спадчынай роднага краю, – і дарослых, і падрастаючае пакаленне! Праграма будзе і цікавай, і пазнавальнай!
