Краснапольскі раён запрашае да ўдзелу ў дыстанцыйным творчым конкурсе “Незабытыя рамёствы”, прымеркаваным да Дня народнага адзінства
Я боюсь не уметь – ремесла не иметь:
Не кроить и не шить и стога не вершить.
Не работать резцом и не стать кузнецом…
Ничего не уметь – как души не иметь.
П. Елфимов
Народныя рамёствы і промыслы трасліруюць пэўныя эстэтычныя погляды, выхоўваюць маральны пачатак, развіваюць цікаўнасць да мінулага свайго народа, даюць магчымасць дакрануцца да творчай спадчыны, якая перадавалася ад пакалення да пакалення, і адчуванне і разуменне еднасці беларусаў.
ДУК “Цэнтралізаваная клубная сістэма Краснапольскага раёна” запрашае да ўдзелу ў дыстанцыйным творчым конкурсе “Незабытыя рамёствы”, прымеркаваным да Дня народнага адзінства ў Беларусі.
На конкурс прымаюцца якасныя фотаздымкі вырабаў рамеснай творчасці, да якой дадаецца інфармацыя пра ўдзельніка конкурсу (Прозвішча, імя, імя па бацьку, установа ці месца работы, назва работы, від рамяства, матэрыял).
Работы (фота) і інфармацыя дасылаюцца на электронны адрас kulturakrasn@tut.by да 16 верасня.
Дыпломы ўдзельнікаў і пераможцаў конкурсу будуць дасланы на ўказаныя адрасы электроннай пошты.
Конкурсныя работы будуць прадстаўлены (прадэманстраваны) у час правядзення святочных мерапрыемстваў да Дня народнага адзінства, дзе прадэманструюць бясцэнную духоўную спадчыну, а яшчэ будуць выкарыстаны ў далейшай метадычнай вучобе кадраў клубнай сістэмы.
Запрашаем да ўдзелу ў конкурсе! Вы будзеце пачутымі і пабачанымі!
