Дранікі, бульбяныя бліны, бабка і іншыя
Стравы з таркаванай бульбы – дранікі, бульбяныя бліны, бабка і іншыя – традыцыі прыгатавання і спажывання
13 мая 2022 года Беларуская рэспубліканская навукова-метадычная рада па пытаннях гісторыка-культурнай спадчыны пры Міністэрстве культуры разгледзела прапанову аб наданні статусу гісторыка-культурнай каштоўнасці традыцыям прыгатавання і спажывання страў з таркаванай бульбы (дранікаў, бульбяных бліноў, бабкі). Рада адзінагалосна падтрымала гэтую прапанову.
Рашэнне Міністэрства культуры па ўключэнні страў з таркаванай бульбы ў Дзяржаўны спіс гісторыка-культурных каштоўнасцей Рэспублікі Беларусь будзе прынята ў бліжэйшы час.
Перад тым, як пытанне было вынесена на разгляд рады, па ініцыятыве Міністэрства культуры дадзеная традыцыя была вывучана і зафіксавана на ўсёй тэрыторыі Беларусі. На пачатак 2022 года зафіксавана 235 народных рэцэптаў з 66 раёнаў Беларусі разнастайных страў з таркаванай бульбы, апрошана 504 носьбіта традыцыі. Арэалы бытавання элемента выяўлены ў 17 рэгіёнах Магілёўскай вобласці: Бялыніцкі, Быхаўскі, Глускі, Дрыбінскі Клімавіцкі, Клічаўскі, Кіраўскі, Крычаўскі, Краснапольскі, Круглянскі, Магілёўскі, Мсціслаўскі, Асіповіцкі, Хоцімскі, Чавускі, Чэрыкаўскі і Шклоўскі раёны.
У сям’і кожнага беларуса на стале нязменна прысутнічаюць дранікі, бабка і іншыя стравы, якія сталі своеасаблівым гастранамічным брэндам нашай краіны. Шырокае распаўсюджванне страў з таркаванай бульбы – асаблівасць нацыянальнай кухні беларусаў, якая сфарміравалася ў канцы ХІХ ст. і захоўваецца да цяперашняга часу.
У мэтах папулярызацыі элемента ў Магілёўскай вобласці ў 2022 годзе ў Быхаўскім раёне адбудзецца раённы гастранамічны фэст “БульбаСаміт”, у Касцюковіцкім – фестываль нацыянальных страў “Прысмакі”.
“Дранікі па-вяскоўскі” Кіраўскага раёна
Бульбяныя бліны Бялыніцкага раёна
Дзеруны Дрібінскага раёна
Дранікі Асіповіцкага раёна
Дранікі в. Малы Кудзін Бялыніцкага раёна
Дранікі Клічаўскага раёна
Дранікі Крычаўскага раёна
Дранікі Чаускага раёна
Дранікі Шклоўскага раёна
Дранка з бульбы аг.Ланькаў Бялыніцкага раёна
Дранкі Хоцімскага раёна
Бульбяныя бліны па Радуціцкі Асіповіцкага раёна
