Маісеева Валянціна Віктараўна
Маісеева Валянціна Віктараўна, 1966 г.н., Магілёўская вобласць Краснапольскі раён в.Брылёўка.
Пражывае ў Магілёўскай вобласці, Дрыбінскі раён а/г Кароўчына, малодшы навуковы супрацоўнік.
Працуе ў Доме раместваў, авалодала рамяством саломапляцення непасрэдна на рабочым месцы (з 2008 года працуе ў Доме раместваў, спачатку на пасадзе метадыста, потым малодшым навуковым супрацоўнікам). Асновам саломапляцення вучылась у Заклікоўскай Ларысы Сямёнаўны (першы дырэктар Дома раместваў), Дамянікавай Наталлі Вітольдаўны.
Добра валодае некаторымі тэхнікамі работы з саломкай: пляценне кветак і кветкавых кампазіцый, шыццё картуза салямянага, капелюша жаночага і мужчынскага, лялькі і інш. Работы выстаўляюцца на выставах рознага значэння (ад раённых да міжнародных), вырабляе работы на заказ (як асабістыя, так і калектыўныя). Перадае вопыт саломапляцення калегам, удзельнікам аматарскіх аб᾿яднанняў, навучыла асновам саломапляцення сваіх дзвюх дачок.
