22 сакавіка ў вёсцы Ніжняя Тошчыца адзначылі свята Саракі
Двадцаць другога сакавіка, у рамках праекта «Пакаштуйце, гэта смачна», метадысты Быхаўскага раённага Цэнтра культуры адправіліся ў падарожжа ў вёску Ніжняя Тошчыца. У гэты дзень адзначаецца свята Саракі, таму мы і запісалі рацэпт прыгатавання птушак «жаўраначкаў». Рацэптам выпякання птушачак з намі падзялілася мясцовая жыхарка Ала Калбасава.
Яна, калі была маленькай дзяўчынкай вельмі любіла дапамагаць сваёй бабулі, якая выпякала смачныя булачкі. Ад сваёй бабулі яна і дазналася аб свяце Саракі. З ёй і навучылася выпякаць « жаўраначкаў». З таго часу мінула шмат год, але і сёння Ала Уладзіміраўна ў свята Саракі выпякае смачныя булачкі ў выглядзе жаўраначкаў, якімі частуе сваіх знаёмых. Яшчэ зранку, перш чым вытапіць печ, Ала Уладзіміраўна замешвае цеста. Для выпякання птушачак гападыня робіць дражджавое цеста, для чаго патрэбна вада, мука, дрожджы, сахар, яйка і алей. Пакуль падыходзіць цеста, гаспадыня растаплівае печ. Потым, калі цеста падыдзе, гаспадыня адшчыквае ад яго кавалачкі і з кожнага кавалачка вырабляе птушачку. Ала Уладзіміраўна старанна робіць кожную птушачку. Птушачак яна выкладвае на пасыпаную мукой паверхню, потым на патэльню змазаную алеем. Выпякае птушачак гаспадыня ў печы.
У вольную гадзіну Ала Уладзіміраўна выпякае пірагі з рознымі начынкамі. І калі да яе завітаюць госці яна ўсіх частуе сваімі прысмакамі. А яшчэ яна робіць прыгожыя кветкі з гофрабумагі.
Сумаваць ёй няма часу, бо ў яе ёсць каханы муж, дзеці, унукі, якія наведваюць яе ў вольную гадзіну. Ёсць свая гаспадарка, якая патрабуе працы.
Святлана Саламевіч, загадчык метадычнага аддзела ДУК «Цэнтралізаваная клубная сістэма Быхаўскага раёна»
