30 кастрычніка адбыўся прагляд мастацкай праграмы Заслужанага аматарскага калектыву Рэспублікі Беларусь народнага харэаграфічнага ансамбля “Сувенір” на пацверджанне звання “Заслужаны”
Канцэртная праграма “Жывыя традыцыі” адбылася на базе Палаца культуры вобласці.
Праграмма была прагледжана спецыяльнай камісіяй пры Міністэрстве культуры Рэспублікі Беларусь, у склад якой увайшлі прадстаўнікі Міністэрства культуры Рэспублікі Беларусь, упраўлення культуры Магілёўскага аблвыканкама, установы культуры “Магілёўскі абласны метадычны цэнтр народнай творчасці і культурна-асветнай работы”, заслужаныя дзеячы культуры і мастацтва Рэспублікі Беларусь.
Калектыў прадставіў спецыяльнай камісіі мастацкую праграму, у якой былі ўдала спалучаны высокая харэаграфічная тэхніка, яркі нацыянальны каларыт, эстэтычны густ і цікавая рэжысура.
Заслужаны аматарскі калектыў Рэспублікі Беларусь народны харэаграфічны ансамбль “Сувенір” дзейнічае пры ДУК “Палац культуры вобласці” з 1997 г. Кіраўніком з дня зснавання калектыва з'яўляецца Георгій Шатаевіч Квасціані, адданы сваёй справе кіраўнік і таленавіты балетмайстар. У 2001 г. калектыву было прысвоена найменне “народны”, у 2010 г. – званне “Заслужаны аматарскі калектыў Рэспублікі Беларусь”.
