6 мая на базе Баронькаўскага сельскага Дома культуры адбылося абрадавае свята “Юр’я”
Абрад “Юр’я” ў вёсцы Баронькі з’яўляецца жывой формай аднаго з даўніх абрадаў вясенняга цыклу, у якім выконваецца традыцыйны карагод “Браціна”. На Браціну, звачайна, самая старэйшая жыхарка вескі пякла каравай, які з самага пачатку ўпрыгожвалі, а затым неслі ў шэсці. Усе ўдзельнікі абрада праходзілі праз вароты зробленыя з самага доўгага рушніка, які трымалі жанчыны: спачатку маладзіца з іконай, затым хлапец з Брацінай і драўляныя граблі з зяленым фартуком, які сімвалізаваў неабуджаную зямлю.
У гэтай вёсцы, у час выканання абрадавых действаў, больш увагі надавалася дзеянням, накіраваным на павышэнне ўрадлівасці зямлі, паляпшэнне здароўя. Хадзілі па хатах, віншавалі гаспадароў з тым, што зямля ўжо прачнулась і пара выганяць хатнюю скаціну ў поле. Дзяўчаты амываліся расой, качаліся на вялікае здароўе ў траве, закапвалі пасхальнае яйка у зямлю, каб жыта радзіла, вадзілі карагоды, спявалі песні – будзілі зямлю ад зімняга сну. У канцы абрада зялены рушнік на драўляных граблях змянілі на святочны і пайшлі па дварах. Гаспадыні з задавальненнем сустракалі гасцей, частвалі, а ўдзельнікі абраду асыпалі гаспадароў віншаваннямі і “апаясвалі карагодам”, каб ў гаспадарцы цэлы год быў прыбытак.
Гэты абрад існуе ў вёсцы Баронькі з даўніх часоў. Творчы калектыў клубнай установы ўзрадзіў яго і імкнецца падтрымліваць у актыўным стане. Нягледзячы на тое, што дзень 6 мая выдаўся дажджлівым, удзельнікі выканалі ўсе неабходныя зачуры і абрады з надзеяй на вялікі ўраджай.
Захарэнка Святлана, намеснік дырэктара цэнтралізаванай клубнай сістэмы Касцюковіцкага раёна
