“Калядныя ўзоры” майстроў Магілёўшчыны
![](assets/images/sobytia/2023/12/20/02/01.jpg)
Работы майстроў Магілёўскай вобласці прадстаўлены на штогадовай XXXI Рэспубліканскай выстаўке сучаснай народнай творчасці “Калядныя ўзоры”, якая праходзіць ў выставачнай зале дзяржаўнай установы “Мінскі абласны цэнтр народнай творчасці” з 19 снежня 2023 г. па 17 студзеня 2024 г.
![](assets/images/sobytia/2023/12/20/02/02.jpg)
![](assets/images/sobytia/2023/12/20/02/03.jpg)
“Калядныя ўзоры” – выстаўка, якую ладзіць грамадскае аб’яднанне “Беларускі саюз майстроў народнай творчасці”. Штогадовае мерапрыемства стала пазнавальным брэндам, які вабіць магчымасцю трапіць у атмасферу навагодніх святаў, пабачыць надзвычай шырокую панараму відаў дэкаратыўна-прыкладнога мастацтва, традыцыйных рамёстваў і промыслаў, якія развіваюцца ў нашай краіне. У выстаўцы бяруць удзел больш за 100 творцаў з усіх рэгіёнаў Беларусі. Аснову экспазіцыі складаюць работы членаў Беларускага саюза майстроў народнай творчасці, таксама на выстаўцы можна будзе ўбачыць і творы тых, хто прэтэндуе на ўступленне ў гэты творчы саюз.
![](assets/images/sobytia/2023/12/20/02/04.jpg)
![](assets/images/sobytia/2023/12/20/02/05.jpg)
![](assets/images/sobytia/2023/12/20/02/06.jpg)
На адкрыцці выстаўкі, 19 снежня, удзел прыняў народны ансамбль народнай песні “Вязанка” Вязьеўскага сельскага дома культуры ДУК “Цэнтралізаваная клубная сістэма Асіповіцкага раёна”.
Магілёўскую вобласць прадстаўляюць 59 майстроў народнай творчасці з Бялыніцкага, Бабруйскага, Быхаўскага, Глускага, Горацкага, Дрыбінскага, Касцюковіцкага, Кіраўскага, Клімавіцкага, Круглянскага, Краснапольскага, Крычаўскага, Мсціслаўскага, Асіповіцкага, Слаўгарадскага, Хоцімскага, Чэрыкаўскага, Шклоўскага раёнаў, гг. Магілёва і Бабруйска.
![](assets/images/sobytia/2023/12/20/02/07.jpg)
![](assets/images/sobytia/2023/12/20/02/08.jpg)
Майстры народнай творчасці Магілёўскай вобласці прадставілі работы літаральна ва ўсіх традыцыйных відах народных промыслаў: салома- і лозапляценне, аплікацыя саломкай, выцінанка, шапавальства, ткацтва і вышыўка, мастацкая апрацоўка дрэва і металу, кераміка, роспіс па шкле і тканіне, выраб тэкстыльных лялек, карункавязанне і сувеніры з лёну.
![](assets/images/sobytia/2023/12/20/02/09.jpg)
![](assets/images/sobytia/2023/12/20/02/010.jpg)
Крысціна Башарымава, вядучы рэдактар УК “Магілёўскі абласны метадычны цэнтр НТ і КАР”