Работнікі ДУК «Цэнтралізаваная клубная сістэма Бялыніцкага раёна» 29 чэрвеня прынялі ўдзел у рэгіянальным свята-конкурсе «Свята лялькі» ў Круглым
У конкурсе самадзейных калектываў «Песні над Друццю» Дыплом пераможца I ступені атрымаў вакальны ансамбль «Жніво» Галоўчынскага СДК (кіраўнік Леанід Шут). З пачатку года гэта не першая перамога ансамбля. У скарбонцы ўзнагарод – Дыпломы Лаўрэата III ступені Міжнароднага фестывалю-конкурсу творчасці «Talent Boom» і Усебеларускага фестывалю-конкурсу працаўнікоў «Talented Belarus». Вакальны ансамбль «Жніво» вядзе актыўную канцэртную дзейнасць. Выступае ў клубных установах у рамках раённага праекта «Клуб у гасцях у клуба», выязджае з тэматычнымі праграмамі ў Бялыніцкі інтэрнат для інвалідаў і састарэлых. Удзельніцы ансамбля: Кацярына Кужалькова, Таісія Раўшанава, Галіна Стрыгунова і Святлана Сідарэнка – прадстаўніцы розных прафесій, аб’яднаныя адным захапленнем. Яны вельмі любяць пець і з вялікім задавальненнем прыходзяць на рэпетыцыі ў сельскі Дом культуры. Трэба адзначыць, што «Жніво» яшчэ вельмі малады ансамбль, яму толькі паўтара года.
Таксама, дыпломам II ступені рэгіянальнага свята-конкурсу «Свята лялькі» ўзнагароджана майстар народных промыслаў Свяцілавіцкага сельскага дома рамёстваў Ірына Касцова ў намінацыі «Коляска для любимой куклы».
Людміла Куранкова, метадыст РЦК
