Раённы фестываль-кірмаш працаўнікоў вёскі “Дажынкі-2016” прайшоў ў Быхаўскім раёне
Святочнае шэсце пачалі ансамбль мажарэтак і барабаншчыц дзіцячай школы мастацтваў і народны духавы аркестр раённага Цэнтра культуры.
Удзельнікі свята мелі магчымасць наведаць падворкі з рознымі прысмакамі сельскагаспадарчых і гандлёвых арганізацый, розныя творчыя выставы, на якіх працавалі творчыя калектывы самадзейнасці сельскіх устаноў культуры. Для дзяцей была наладжана работа гульнёвага гарадка, якая складалася з некалькіх гульнёвых пляцовак.
Хлебаробы прымалі ў гэты дзень шчырыя віншаванні не толькі ад прадстаўнікоў улады, але і ад артыстаў. Святочную атмасферу стваралі вядомыя на Быхаўшчыне калектывы. У свяце прыняў удзел народны калектыў Рэспублікі Беларусь цыганскі тэатр “Джыпсі-Бэнд”.
Святлана Саламевіч, загадчык метадычнага аддзела раённага Цэнтра культуры ДУК “ЦКС Быхаўскага раёна”.
