Спецыялісты Магілёўскага абласнога метадычнага цэнтра народнай творчасці наведалі рэспубліканскі семінар-стажыроўку “Работа ўстаноў культуры клубнага тыпу па зберажэнні гісторыка-культурнай спадчыны” ў Гарадке
16 лютага ў горадзе Гарадок, Віцебская вобласць прайшоў Рэспубліканскі семінар-стажыроўка “Работа ўстаноў культуры клубнага тыпу па зберажэнні гісторыка-культурнай спадчыны“. Удзел у семінары прыняла дэлегацыя Магілёўскай вобласці ў складзе Глуздова Аляксандра Мікалаевіча, начальніка і Шчэрбіч Аніты Вадзімаўны, вядучага метадыста аддзела традыцыйнага мастацтва і культурна-дасугавай дзейнасці ўстановы культуры “Магілёускі абласны метадычный цэнтр народнай творчасці і культурно-асветнай работы”, а таксама Кавалёў Алег Аляксандравіч, загадчык Свяцілавіцкага сельскага Дома рамёстваў ДУК “Цэнтралізаваная клубная сістэма Бялынічскага раёна”.
Асноўнай тэмай семінара-стажыроўкі стала тэма выяўлення, захавання і развіцця элементаў нематэрыяльнай культурнай спадчыны беларусаў.
Прадстаўнікі Гарадоцкага раёна рассказалі аб характэрных для іх мясцовасці традыцыйных народных рамёствах, якія дзякуючы намаганням работнікаў устаноў культуры удалося аднавіць і прылічыць да разраду нематэрыяльнай культурнай спадчыны. Гэта і ажурнае ткацтва, і спіральнае пляценне з саломкі, лазы і сасновых каранёў, і беларускія практыкі саломапляцення.
Удзельнікі семінара-стажыроўкі расказалі пра розныя цікавыя асаблівасці традыцыйных рамёстваў сваіх раёнаў, разглядзелі пытанні захавання культурнай спадчыны. Гасцей мерапрыемства чакалі не толькі даклады і абмеркаванне важных тэм, але і экскурсіі, наведванне выстаў, а таксама рэзідэнцыі Снягуркі ва ўрочышчы “Вараб’ёвы горы”.
Крысціна Башарымава, вядучы рэдактар УК “Магілёўскі абласны метадычны цэнтр НТ і КАР”
