Святочнае гулянне на Купалле прайшло ў Дрыбіне
У тэатралізаваным прадстаўленні прынялі ўдзел удзельнікі аматарскага аб’яднання «Залаты ўзрост» (Цемналескі СК) і народны ансамбль народнай песні «Дзянніца» (Дрыбінскі РЦК), а таксама салісты раённага Цэнтра культуры. На працягу ўсяго прадстаўлення гледачоў весялілі героі – Іван і Мар'яна, дзяўчаты і Яська, ведзьма. Для гледачоў былі падрыхтаваны купальскія конкурсы: «Падняцце гіры», «Прыпеўкі», «Конкурс вянкоў», «Папараць-кветка». Пераможцы конкурсаў атрымалі каштоўныя прызы. Таксама на беразе возера працаваў выязны гандаль і атракцыёны. І, вядома ж, не абышлося без купальскага вогнішча.
Пасля тэатралізаванага прадстаўлення гледачоў чакала канцэртная праграма і святочная дыскатэка.
Н.А. Шуткова, метадыст раённага Цэнтра культуры «ГУК ЦКС Дрыбінскага раёна»
