Традыцыйная народная лялька як знак прыналежнасці да беларусаў
Яна пазнаёміла школьнікаў з абрадавымі, абярэжнымі, ігравымі, сувенірнымі лялькамі. Дзяцей вельмі ўразіла тое, што лялькі, як знакі-сімвалы, неслі ў сабе вялікую інфармацыю, маглі замяніць каляндар, служылі абярэгамі і выконвалі шмат іншых роляў у жыцці чалавека і грамадства.
Дзятва з захапленнем слухала паведамленне, актыўна ўдзельнічала ў гутарцы, прадэманстравала веды пра народныя святы і каштоўнасці сям’і. Дзецям хацелася патрымаць лялькі ў руках, а на развітанне яны запрасілі Валянціну Аляксандраўну ў школу для правядзення майстар-класа па вырабу лялек.
Пра сваё захапленне традыцыйнай лялькай метадыст РЦК Марчанка В. А. расказала, что лічыць створаныя рукамі чалавека прадметы непаўторнымі, адзінкавымі, таму – ўнікальнымі. Да таго ж занятак гэты – захапляльны і пазнавальны. Ды і хто адмовіцца мець у доме цудоўны і прыгожы абярэг?
У метадыста ёсць намер правесці цыкл заняткаў для дзяцей у школах і СДК у рамках праграмы летняй занятасці школьнікаў. Заказы ўжо паступілі.
“Гэта вельмі важна, каб падрастаючае пакаленне ведала і разумела родную мову, традыцыі, этнаграфічныя сімвалы. Усё гэта – знакі прыналежнасці да беларускай нацыі і нашай культуры”, – лічыць Валянціна Аляксандраўна.
Падобныя заняткі для дзяцей адбудуцца ва ўстановах культуры і адукацыіі раёна ў час летніх канікул.
Мерапрыемствы, падобныя праведзенаму, даюць магчымасць дзецям пазнаёміцца з культурнымі каштоўнасцямі і далучыцца да іх, асэнсаваць значнасць і мудрасць нашых продкаў.
Метадычны аддзел Краснапольскага РЦК
