Трэці конкурсны прагляд аматарскіх тэатральных калектываў: свята творчасці і самавыяўлення
27 лютага 2024 года на базе ДУК “Цэнтралізаваная клубная сістэма Чэрыкаўскага раёна” прайшоў трэці конкурсны прагляд абласнога агляду-конкурсу аматарскіх тэатральных калектываў “У далонях маёй Беларусі”.
Кожны год гэты агляд-конкурс становіцца ўсё папулярнейшым сярод аматарскіх тэатральных калектываў. У 2025 годзе на конкурс было пададзена больш за 50 заявак з розных куткоў вобласці. А сам агляд-конкурс прысвечаны 80-годдзю Перамогі савецкага народа ў Вялікай Айчыннай вайне.
Сёння ў Чэрыкаве выступілі творчыя калектывы з Клімавіцкага, Касцюковіцкага, Краснапольскага, Мсціслаўскага, Слаўгарадскага, Хоцімскага, Чэрыкаўскага раёнаў. Удзельнікі прадстаўлялі разнастайныя жанры – ад беларускай драматургіі да сучаснай класікі, ад камедый да трагедый. Такім чынам, гледачы змаглі атрымаць асалоду ад багатага спектра тэатральнага мастацтва, якое часам аказваецца нават больш выразным і эмацыйным, чым прафесійныя пастаноўкі.
У гэтым конкурсным праглядзе былі прадстаўлены работы, поўныя крэатыву і нестандартнага падыходу. Кожны калектыў стараўся падкрэсліць сваю індывідуальнасць і данесці ўнікальныя ідэі.
Конкурснае журы адзначыла высокі ўзровень падрыхтоўкі ўдзельнікаў, выказаўшы асаблівую падзяку за творчы падыход і шчырасць выканання.
Нагадаем, што фінал абласнога агляду-конкурсу аматарскіх тэатральных калектываў “У далонях маёй Беларусі” адбудзецца 20 сакавіка ў Магілёскім абласным метадычным цэнтры народнай творчасці і культурна-асветнай работы. На суд гледачоў будуць прадстаўлены лепшыя тэатральныя пастаноўкі тэатральных калектываў па выніку конкурсных праглядаў.
Па выніку конкурсу ўдзельнікі будуць узнагароджаны дыпломамі I, II, III ступені. Таксама ўдзельнікі па рашэнні журы будуць узнагароджаны спецыяльнымі дыпломамі: “Яркі дэбют”, “Лепшая мужчынская роля”; “Лепшая жаночая роля”; “Лепшы спектакль для дзяцей”; “За арыгінальнасць трактоўкі матэрыялу пастаноўкі”; “За папулярызацыю і захаванне творчасці беларускіх класікаў”.
Крысціна Башарымава, вядучы рэдактар установы культуры “Магілёўскі абласны метадычны цэнтр НТ і КАР”
