Творчая сустрэча "У гасцях у Макошы - берагіні сям'і", прысвечаная Дню маці, прайшла ў Бабруйску 16 кастрычніка
У рамках гэтай сустрэчы Гульнара расказала аб сакрэтах свайго майстэрства, аб паходжанні і асаблівасцях славянскай абярэгавай лялькі, правяла майстар-клас. Яна здолела захапіць аўдыторыю сваімі аповедамі. Усе прысутныя з уважліва слухалі майстра і з задавальненнем зрабілі для сваіх блізкіх людзей лялькі-берагіні – для таго, каб у сем'ях быў дабрабыт і пазітыў.
На працягу вечара Алена Адамовіч расказала аб сваёй творчасці і аб асаблівасцях старажытнай славянскай адзежы. За гэтым былі падведзены вынікі конкурсу "Маленькі фартушок", пераможцамі якога сталі Аўсеевіч Таццяна (за лепшы выраб фартушка ў славянскім стылі) і Коласава Вольга (за арыгінальнасць). Пераможцы атрымалі прызы ад Гульнары Качан.
У вырабе лялек-засцярогаў ёсць вельмі адказны момант - трэба да іх падабраць адпаведныя кветкі і травы, бо гэта вельмі важна ў правільнасці перадачы сімволікі лялек. У гэтым Гульнары дапамагала дасведчаная ў зёлках і кветках - майстар-фларыст Маргарыта Мельнікава, якая і расказала аб асаблівасцях работы з травамі.
Заключнай часткай сустрэчы стала дэгустацыя гаючых і вельмі смачных зёлкавых адвараў і настояў з малінавым варэннем.
Усім прысутным на мерапрыемстве былі ўручаны сертыфікаты ўдзельнікаў і букеты хрызантэм.
Мазуркевіч А.К., мастацтвазнаўца аддзела мастацкай творчасці ДУК "Палац мастацтваў г.Бабруйска"
Фота Сяргея Грэбяневіча
