У Краснапольскім раённым Цэнтры культуры падведзены вынікі сацыяльна-эканамічнага развіцця Краснапольскага раёна за 2024 год
У Краснапольскім раённым цэнтры культуры падведзены вынікі сацыяльна-эканамічнага развіцця Краснапольскага раёна за 2024 год, на якім ушаноўвалі работнікаў з усіх сфер і галін народнага спадарчага комплексу раёна.
У фае раённага цэнтра культуры ўвазе перадавікоў, дэлегацый працоўных калектываў і гасцей былі прадстаўлены лепшыя ўзоры народнай творчасці Краснапольшчыны. Удзельнікі ўрачыстага мерапрыемства маглі пад жывую музыку азнаёміцца з выставай цэнтральнай раённай бібліятэкі, раённага Дома рамёстваў, выставай «17 мэтаў Нацыянальнай стратэгіі ўстойлівага развіцця» (сімвалы выраблены рукамі майстроў цэнтра сацыяльнага абслугоўвання насельніцтва), паспрабаваць свежы хатні крафтавы хлеб, выраблены культарганізатарам Горскага сельскага Дома культуры Людмілай Васільковай.
Цырымонія ўзнагароджання суправаджалася яркімі танцавальнымі і вакальнымі нумарамі ў выкананні салістаў і калектываў Краснапольскага раённага цэнтра культуры, дзіцячай школы мастацтваў пад белымі крыламі бусла, вырабленага мастаком-пастаноўшчыкам раённага Цэнтра культуры Снежанай Семчанка, які нібы абдымаў і аберагаў кожнага удзельніка мерапрыемства.
“Беларусь пад белымі крыламі»... менавіта пад белымі крыламі перадавікі з удзячнасцю прымалі цёплыя словы і пажаданні здароўя, шчасця і дабрабыту, а кожнае выступленне артыстаў сустракалі гучнымі апладысментамі.
С.А.Сазонава, загадчык метадычнага аддзела РЦК ДУК “Цэнтралізаваная клубная сістэма Краснапольскага раёна”
